SUCK !!

တညလုံး အလုပ်လုပ် ပီးတော့ မနက်ကျရင် မနားနိုင်သေး Boat Drill က ရှိလို့ စိတ်ညစ်မယ် ကြံသေး မနက် Drill ပြီးတာနဲ့ Marketing manager ရဲ့ Briefing ရှိတယ်တဲ့။ သေဟ လို့ပဲ စိတ်ထဲက ကျိန်ဆဲမိလိုက်တယ်။ ဒီရက်ပိုင်း အလွန့် အလွန် များပြားလှတဲ့ မလေးရှားရဲ့ ဟောလီးဒေးတွေကြောင့် အိုတီတွေ လုပ်နေရတာက လွတ်မယ်ကြံသေး။ လာပြန်ပီ ဒီ Briefing။ ဟိုတခါ ပေးထားတဲ့ Project က ပီးရုံရှိသေး ဘာများထပ်လာဦးမလဲ မသိလို့ မျက်ခုံးကတော့ ခပ်လှုပ်လှုပ်ရယ်။

Drill ပီးတာနဲ့ မနားနိုင် အသည်းအသန် Conference room ရှိရာကို ပြေးရပါတယ်။ သူများနောက်ကျရင် အရေးမကြီး ကိုယ်နောက်ကျရင်တော့ ပြသနာပေါင်း သောင်းခြောက်ထောင် ရှိနိုင်သည်။ ဟိုရောက်တော့ အခန်းပင် မဖွင့်ရသေး ဘာလို့လဲဆိုတော့ ဒီနေ့ HOD meeting ရှိသည်တဲ့။ ဟုတ်ပါ့ ၂ ရက်နေ့ပဲလို့ တွေးရင်း ဆက်စောင့် ရတော့တာပေါ့ Day Shift Night Shift ခေါ်ထားတာကြောင့် အလုပ်ဝင်ရမဲ့ လူတွေက အချိန်ကပ်နေသလို ညသမားတွေကလည်း ဒီအချိန်ထိ မနားရသေးလို့ စိတ်ညစ်နေကြပီ။ နောက်ဆုံး suprv ရဲ့ meeting cancel လုပ်တယ် ဆိုလို့ ကောင်းလိုက်တာဆိုပီး အခန်းပြန်နားရုံ ရှိသေး ဖုန်းခေါ်ပီး ခုချက်ချင်း စပီတဲ့။ ပြေးရ ပြန်ပီပေါ့။

Title ကိုကြည့်ပီး စိတ်က ဟိုးးး အောက်ဆုံးထိ ကျသွားတယ်။ ကျနော့ နားထဲ ဘာမှ မကြားတော့ပါဘူး။ ကျနော်တို့ project တခု ပီးရုံ ရှိသေး နောက်တခုကို ကျနော်တို့ ဌာနကို ထပ်ပေးပြန်ပီ။ အမှန်ဆို ဒီပရော့ဂျက်တွေဟာ ကျနော်တို့ ဌာနနဲ့ ဘာမှကို မဆိုင်တာ။ အဲဒါတွေကို အော်ကြိး ဟစ်ကျယ်နဲ့ ရှင်းနေတဲ့ Manager ကို ကြည့်ရင်း ကျနော် တော်တော်စိတ်ကုန်သွားပါတယ်။ အားလုံးလည်း ကျနော့် လိုပါပဲ။ ဒီပရော့ဂျက်တွေဟာ အနည်းဆုံး သုံးလကနေ ဆယ်လထိ ကြာတတ်တယ် ကြားကာလမှာလည်း သင်းတို့ ဌာနက ဘာမှဝင်မကူတာ အရမ်းခံရခက်လှပါတယ်။ ကျနော်ကတော့ ပေတေပီး သူတို့ပြောနေတာတွေ တလုံးမှ နားထဲ မ၀င်ဖို့ ကြိုးစားရင်း ညည်းလိုက်မိပါတယ် SUCK ။

0 Comments:

Post a Comment



Newer Post Older Post Home

Blogger Template by Blogcrowds.