တနေ့စာအလွဲများ

ထူးအိမ်သင်ရဲ့ သီချင်းမဟုတ်ပါဘူး။ တကယ့်ကိုလွဲတဲ့ တနေ့ပါပဲ။ စိတ်ညစ်ဖို့ကောင်းလိုက်တာဗျာ မနက် မျက်စိ နှစ်လုံး ပွင့်ကတည်းက လွဲလိုက်တဲ့အလွဲဟာ ညအိပ်လို့ မျက်စိနှစ်လုံး ပိတ်မှ ပဲ ပီးပါတော့တယ်။ မနက် အိပ်ရာက နိုးတော့ အိပ်ချင်မူးတူးနဲ့ Alarm မြည်တဲ့ ဖုန်းကို တံတောင်နဲ့ထောင်းမိတယ်လေ။ နောက်မှ ၀ယ်ထားတာ ၂ ရက်ပဲ ရှိသေးတယ်ဆိုတာ ခေါင်းထဲပေါ်လာတော့မှ အတင်းကို ပြူးပြဲပီး ကြည့်ရတယ် တော်သေးတာပေါ့ ဘာမှမဖြစ်လို့။ မနက်စာ စားမယ်ဆိုပီး သွားတော့ ဘာမှ မရှိတာနဲ့ ကြက်ဥကြော်မယ်ပေါ့ လုပ်တာ ရိုးရိုးမလုပ်ပဲ အကွန့်တက်တာလေ အရင်က Omelet လုပ်စားနေကြကို ရှည်ပီး တလုံးကို ဒီအတိုင်းထည့်လိုက်တယ် ကြက်ဥက ၂မျိုးရောပီး ဘာအရသာမှန်းကိုမသိတော့ဘူး နောက်တခေါက်ကလည်း သွားလုပ်ရမှာ ပျင်းတာနဲ့ ဒီအတိုင်းပဲ စားလိုက်တော့တယ်။

အလုပ်ဝင်တော့လည်း စိတ်က ဘာကို အလိုမကျလို့ မကျမှန်းမသိပါဘူး အလုပ်လုပ်ရတာကို အစဉ်မပြေဘူး နေ့လည် ထမင်းစားတော့လည်း ဘာဟင်းမှ မရှိ စားရတာအစဉ်မပြေ ခရီးသည်တွေကလည်း ဒီနေ့မှ အရမ်းများပီး လျှောက်စရာ နေရာတောင် မရှိ အော်လိုက်ကြတာလဲ ငါးစိမ်းသည် အရှုံးပေးရလောက်တယ်။ ဒီလောက်များတဲ့လူတွေ ဘယ်အချိန်ပြသနာ ထတက်မလဲ မသိဘူး စဉ်းစားနေတုန်း ရှိသေး အဘွားကြီး တယောက်က အဘိုးကြီး တယောက်ကို Roulette ကစားတဲ့ နေရာမှာ ဖောင်းခနဲ နားပန်ကျင်းလိုက်တာတွေ့လိုက်ရတယ် (စိတ်ထဲကတော့ ဘုရား တော်တော် လက်သွက်တဲ့အဘွားကြီး ဆိုပီး ကျိတ်ချီးကြူးမိတာပေါ့ :D) စိတ်ထဲက တွေးနေလို့ မဖြစ်ဘူးလေ ဟိုမှာက စကားများပီး ထချကြတော့မယ် အဘိုးကြီးကလည်း အသင့်နေရာ ယူပီးပီ သူတို့ကြည့်ရတာ တကယ့်ကိုဖိုက်ကြ တော့မယ် ပုံပေါက်နေတယ် အဘိုးကြီးက နေရာသာယူထားတာ တကယ်ဆော်နေတာက အဘွားကြီးဗျ တော်တော်လက်သွက်တယ်ဗျာ အနားဝန်းကျင်ကြည့်တော့ ကျေးဇူးရှင် လုံခြုံရေးတွေက တယောက်မှကို မရှိဘူး အဲဒါနဲ့ မနေတတ်မထိုင်တတ် သွားဝင်ဆွဲတယ်ပေါ့ဗျာ .. အဲဒီတော့မှ အဘိုးကြီးက မင်းနောက်မဆုတ်ရင် မင်းကို ထိုးမယ်တဲ့ ကျနော်လည်း ပါးစပ်လေး အဟောင်းသားနဲ့ ဘုရား တလိုက်ရတာပေါ့ ဘယ့်နှယ် ကိုယ်နဲ့မဆီမဆိုင် တော့ မခံနိုင်ပေါင် ကျနော်လဲ သင်ထားတာတွေက အလကား မဟုတ်ပဲလေ နောက်ကို အသာလေးလှမ်း လောက်ကို ဆုတ်ပလိုက်တယ် စက်ကွင်းက လွတ်ပီလေ :D နောက်တော့မှ ရေဒီယိုနဲ့ခေါ်တော့မှ ကိုယ်ရွှေချော လုံခြုံရေးတွေ အသည်းအသန်ရောက်လာပီး ဆွဲတယ်။ နောက်တော့ ကျနော့်ကို မေးလိုက် မြန်းလိုက်တာ တရားခံအတိုင်းပဲ ဘာမှ ကို မဟုတ်ပဲ အမှုတွဲထဲ ၀င်ပါနေတာလေ။ စိတ်ညစ်ပါတယ်။ ညနေ အလုပ်ပီးလို့ အွန်လိုင်းတက်တော့လည်း ညီကို တွေ့တာနဲ့ ကိုယ်က ကောင်းကောင်း သြ၀ါဒပေးနေတာ ပီးတောင် မပီးသေးဘူး ဟိုဘက်က အင်းမလုပ် အဲမလုပ် Reply မလာလို့ မသင်္ကာတာနဲ့ အပေါ် ဘားလေးကို ကြည့်တော့မှ သင်းက အောက်သွားပီ ဘယ်ရမလဲ ဖုန်းမဆက်ချင်လို့ ဒီမှာ ပြောတာကို အောက်သွားတော့လည်း ဖုန်းဆက်ပီး ပြောရတာပေါ့ အဲဒီတော့မှ သင်းက ပြောတာက အင်တာနက်ဆိုင်မှာ ကိုးနတ်ချင် ဒေါင်းသွားလို့တဲ့။ ဖြစ်မှ ဖြစ်ရလေ လို့ တရုံမှ တပါး တခြား မရှိတော့ပီလေ။ ဒီမှာကလဲ ရေလည်ခေါင် လိုင်းက မိတချက် မမိတချက်နဲ့ ညကလည်း နက်နေပီဆိုတော့ ဟင်းး လို့ သက်ပျင်းချပီး အိပ်တာပဲ အေးချမ်းတယ်လို့ သဘောပိုက်ကာ စောစောစီးစီး လိမ်မာလိုက်ရတော့တာပေါ့ဗျာ။ လွဲလိုက်တဲ့ အလွဲတွေနော် …..

မိုးသောက်ယံ

0 Comments:

Post a Comment



Newer Post Older Post Home

Blogger Template by Blogcrowds.